يا لغاذي لدار الغربة
caricature
15/03/2018
1
487 LECTURES
Actualités - Productions
يا لغاذي لدار الغربة
فصمت غربتي حكاية
ما تتعجلش أو تحكم
أبنادم فالغربة يتغربل
هو سفينة فوق لبحر
واش ماعرفتش بلي
الريح تجمع فلغيوم
أو الشمس تكوي فيها
أو السما تبكي بدموع سيالة
والأرض بزهارها تنور
أبنادم يلبس قناع
فغربتو يجدد لقناع
فالوطن يلعبها سبع
فالغربة يولي لغابو
بالتراب يبني وذانوا
أو هاتفو يتنكر ليك
لسانوا بلكذب يجرر فيك
أو بالسراب يطوف حوالوا
يسلسل الباب ما هجر البنيان
نيتو رقعها بخيط لقطيعة
واش ماعرفتش بلي
إلا الدم جمد فالعروق
القلب يهرب من قفصو
والخشبة بالثقل يتسمع صوتها
والبنيان يكون بلساسو
حسب كرسي الغربة قاد عليه
أو الغربة جعلها يوم قيامة
ما تسمع منوا غير أنا وأنا
واش ماعرفتش بلي
نباح الكلب ما يعض مولاه
وصياح الديك يزين مكانوا
والنحل يصب ليك شرابوا
يا لغاذي لدار الغربة
فصمت غربتي حكاية
ما تتعجلش أو تحكم

باريس/فرنسا
حسن دخيسي
   




COMMENTAIRES

Commentaires reservés aux membres ahfir.com






    elmoumni   16/07/2018 06:07
نص جميل وعميق زاده الإلقاء جمالا

adminx
18/08/2018
Liste des produits monsanto à éviter en europe (2018)
samirdehmej
17/08/2018
لقاء اولاد الدرب
adminx
16/08/2018
كل حرب تسبقها أكاذيب إعلامية ؛ مؤامرة - فيديو
samirdehmej
15/08/2018
الآن حادثة سير خطيرة قرب باشوية أحفير
ebensennaa
13/08/2018
المدينة الحاضرة الغائبة تاوريرت المنسية – الحلقة الثالثة